A Fundación VAC-AN, entidade dedicada á conservación e difusión do legado do artista lucense José Vázquez Cereijo, presentou unha nova proposta cultural: o videopodcast Diálogos VAC-AN. Esta iniciativa busca recuperar o espírito das tertulias artísticas e sociais nun formato audiovisuais accesible e dinámico, pensado para reflexionar sobre temas de interese xeral desde múltiples perspectivas.
Diálogos VAC-AN é un programa de periodicidade quincenal gravado na sede da Fundación no barrio da Milagrosa en Lugo. Cada episodio conta coa presenza de tres ou catro convidados, e está conducido por Melina López e Paco Nieto, con realización técnica de Ezequiel Orol.
As conversacións céntranse en cuestións de arte, sociedade e cultura, sempre co fío condutor común de “o Lugo do futuro” e cun enfoque aberto que invita á reflexión sobre temas que afectan tanto á vida local como á sociedade en xeral.
Estreno e primeiros contidos: Diálogos VAC-AN
O primeiro episodio estreouse recentemente e a seguinte entrega está prevista para finais de mes, mantendo o ritmo de emisión cada quince días. Na edición inaugural, os espectadores puideron coñecer a propia Fundación VAC-AN: os seus obxectivos de preservación e difusión do legado de Vázquez Cereijo, así como os seus proxectos culturais. Nesta conversa participaron Anne Nikitik, presidenta da Fundación, e María Astorgano, comisaria.
Ao longo da temporada, os episodios poderanse ver no canle de YouTube da Fundación, na páxina web institucional e en diversas redes sociais, facilitando o acceso ao contido tanto a públicos locais como a persoas interesadas en arte e cultura desde calquera lugar.
Un proxecto para pensar Lugo e a súa cultura
Con Diálogos VAC-AN, a Fundación reforza o seu compromiso coa difusión cultural e coa creación dun espazo de encontro e diálogo entre creadoras, pensadores e cidadanía. O formato audiovisual permite acercar ao público debates enriquecedores sobre arte, sociedade, patrimonio e o papel da cultura no desenvolvemento dun Lugo máis aberto, plural e conectado co seu futuro.
Podes consultar a noticia completa aquí.